CONTACONTOS IES MENENDEZ PIDAL

Fai uns días viñeron a visitarnos ao cole algúns rapaces e rapazas do Equipo de Dinamización da Lingua Galega do IES Menéndez Pidal. Estes rapaces cursan 4º de ESO e xa colaboraron co noso centro en varias ocasións. 

Nesta ocasión quixeron contarnos un conto precioso chamado "A Apalpadora". A clase afortunada que desfrutou con esta preciosa historia foi a aula de 4º de Educación Primaria. 

Ademais déronnos este conto como agasallo asinado por todos eles.

Tras a lectura do conto tamén fixeron un pequeno obradoiro onde confeccionaron uns gorros pequeniños con lá. 

Todos o pasaron xenial e desfrutaron moito coa actividade e sobre todo, coa marabillosa compañía.

Xa nos tarda realizar máis actividades con eles. Moitas grazas!